平安錢買不到

      媽媽在我年幼時有帶我返教會，但當時我並不相信，因為我覺得所有宗教都是差不多，人通常求神拜佛都是為健康為金錢，如果真的有一位神能保人健康、富有，呢個世界就不會有病人同窮人，所以我寧願信自己，相信只要計劃同做好風險管理，我就可以掌管自己的未來。

      可能受到原生家庭影響，我覺得金錢好重要，在完成學業後，我一直努力工作，以為身邊有錢就有保障，怎料在2012年，身體突然不適，才知自己免疫系統出現問題，在短時間內失去視力及四肢的活動能力，雖然醫生即時同我做咗一些急性治療，但情況沒有好轉，當時好大打擊，開始思考人生嘅問題。有日住院期間有位姑娘同我傳福音佢話耶穌好愛我，開心唔開心都可以祈禱同佢講，當時我同個姑娘講，我係唔會祈禱，如果呢位神佢真係咁愛我，點解佢會容許呢啲事發生喺我身上？我出事後，都有好多基督徒為我祈禱，結果也是一樣，如果呢位神真係咁勁，你叫佢醫好我，我就信佢，姑娘喺度喊，佢話神真係好愛我哋，今日發生喺我身上嘅事一定有佢的意思，如果唔明白，為何唔直接問佢？姑娘話想同我祈禱才離開病房，我見佢喺度喊，唔想拒絕佢，就接受佢為我祈禱，祈禱後姑娘就離開病房。在留院期間有時的確覺得很孤單，忽然想返起同呢個姑娘嘅對話，我當期時在想，你話神喺度，你話有乜嘢唔明白可直接問佢，我依家就祈禱問佢，就在那時我開始祈禱，一唔開心的時候就祈禱……

      出院後，我仍然繼續祈禱，因為我覺得每次祈完禱，個心會好平靜，而且每次遇到難題，總會有天使幫我。直到2016年，我媽媽帶我參加一個福音聚餐，當刻有份感動，就決志信主，之後開始返教會，想認真認識呢位神，喺呢幾年期間，聽多咗神嘅話，喺我之前唔明白嘅地方終於搵到答案，心得到好大嘅安慰。信主後，價值觀唔同咗，思想同行為都有好多轉變，最顯著嘅就係以前我是一個非常冷漠的人，喺街度遇上一個有需要協助的人，我也未必會上前幫忙，依家我懂得關心身邊嘅人，現在甚至我有時會看重別人的需要多於自己，以前我好鍾意乜嘢都計劃，鍾意靠自己解決問題，有時會覺得好大壓力好疲累，但現在我學識了交託，個人覺得好興散，雖然現在每日生活面對好多挑戰，個免疫系統病隨時會復發，但我覺得好平安，原來世上冇一樣嘢我們可以依靠，就連金錢也買不到平安同喜樂，唯有依靠上帝，我們才有真正的平安。