感謝神俾機會我同小慧喺度同大家分享得救見證。我自少喺一個公屋家庭長大，感恩喺基督教中學認識耶穌，並喺中三春令會決志信主，數數手指已經有三十二年嘞。我由細到大過著市井信徒嘅生活，心裏認知三一神嘅存在，但本身應該係缺少咗敬畏神嘅心，亦得到救恩後卻過著唔相稱嘅生活，保持著賭博嘅壞習慣同埋屬世嘅投機心態。
喺我拍拖嘅時候我經歷人生中第一個神跡，就係我同太太傳福音時，佢竟然一聽就信咗耶穌，呢個真係千金難買嘅恩典。
我倆自從2012年已經恆常出席團契同埋祟拜，並早於2014年己完成水禮前嘅三個課程。太太講佢已經準備好接受水禮，反而我因為仲被賭馬等壞習慣所纏繞，怕會做了壞見證，所以不敢接受水禮。太太亦尊重我嘅意願，咁樣嘅膠著狀態一直維持。
直到今年7月尾以來，我遇見人生的超級風浪。我一直千方百計保持身體健康，食有機蔬菜和沒有激素的肉，有恆常運動，屋內備有4部
空氣清新機，竟突然在7月確診4期肺癌！人生突然到了盡頭！原來一切努力是無用白費的。努力可有成果的屬世價值觀（包括努力讀書可考進最好的大學；努力打工可以升職加薪；努力儲蓄可以買樓）剎那間很殘酷地完全粉碎！我感到十分絕望，準備了幾個月之後，就可能要返天家。向牧伉前組長Angie道別之際，她卻領我回到主前，天天祈禱靈修仰望神，數算恩典。她碰巧辭職不久，天天不辭勞苦地跟我傾談，持續與我同行，時刻分享各方面癌病的過來人經驗，給我適切的提醒。大難當前，我就係一個3無信徒（無知、無能、對神無信心）。主知我軟弱，細心派天使看顧同行，從死亡的幽谷中喚醒了我，使我領受了出人意外的平安和盼望。
開始禱告靈修後的第二天，聖靈感動我帶著喜樂的心返去創作園地向小朋友交代病情，分享經文，請小朋友天天為我代禱，並承諾病愈後再教他們。聖靈也感動我，向他們分享主的大能（信靠主，患難不懼怕，常常喜樂），並安慰其他為我傷心流淚的同工（不怕，主在！），這肯定不是出自三無的舊我。
持續天天禱告靈修，全然交託，靈裏得享從主而來出人意外的平安。我經常告訴別人，我比之前更快樂。我漸漸地感受到有主看顧平靜風浪，真的可以痛都不苦！
藥物有時令我抑鬱，神給了我一個處理副作用（情緒）的方向，每天做靜默20分鐘，整個人就安穩下來。我這様每天做這屬靈操練，與神結連， 對神敏感度高了，關係親密了，有了病仍能天天帶著笑容和盼望工作、買餸、生活（我在確診這四個多月以來，一直天天上班），這是變相的祝福！Hallelujah！
期間，我有擔心病情和流淚。曾半夜醒來懼怕死亡，禱告後可安睡。早上醒來，神給我話語，叫我在靈裏跨過死亡的威嚇，滿有安慰！滿有盼望！
主不但平淨了我心裏的風浪，更引領醫治前路。在8月初，透過禱告，神指引我跨過阻難，在私家醫院選擇了最新的口服鏢靶藥（治療腦轉移較有效，但副作用較多）。當時，未有宣佈此藥經試驗可作一綫藥；我未及時分析各鏢靶藥的效用；而丈夫持不同意見；政府醫生更因高膽固醇的副作用而反對，並在病歷紀錄中註明要換藥。我禱告後，心裏有平安，決定繼續吃剩下的藥。這藥其後獲肺腫瘤科權威莫樹錦教授書面確認為最合適我的藥物。最近的掃描確定了腦腫瘤消散和肺部的腫瘤已大幅縮小，身體非常穩定向好。感謝主！
我連自己半點的健康，也不能看顧。人算什麼？神竟如此看顧，竟托
著我的生命，拖帶我們一家人平靜地跨過差不多5個月重重的病患…….. 我現真真確確認定主耶穌的真實，我們靠主承載著痛苦的病患和死亡的威嚇。
今次的大風浪使我認清了自己的軟弱小信，深切領受到完全的主的慈愛大能。以往一直信靠自己的能力，今天以後要信靠神。感謝主，在風浪中一直與我同坐一艘船中。
至於我得知同我同甘共苦20年嘅太太確診第四期肺癌，我潛意識接受唔到咁嘅事實，喺日常生活或禱告時都經常不自禁地流淚，甚或爆喊，心裏很自然問點解會咁樣，當中有幾次腦海中有聲音回應。其中領受恩典最大嘅一次，就係當小信嘅我想到太太可能要離開世界時我會跟她一起走嘅時候，有一把聲音說：「我有叫佢離開咩，你使乜咁樣諗呢？」心裏也覺得有啲吊詭，但我深信呢啲都係聖靈比我嘅安慰同埋提醒。喺我人生中呢段最黑暗嘅日子，我想到主嘅慈繩愛索將無力嘅我拉到佢嘅跟前，為要顯明主奇妙作為同埋大能。太太患癌這件事將舊我重重擊碎。之前我有祈求除掉自己嘅壞習慣，神真係聽我禱告，我現在真係戒除咗，因為唔想再做一個甩皮甩髻嘅基督徒。要珍惜眼前嘅人同埋每分每秒，為主做好見證，亦準備好接受水禮。
我同太太喺呢四個多月嚟，每日都領受好多恩典，亦遇到很多天使。喺呢段日子中，太太每日靈修禱告，雖然間唔中因為藥物副作用以致情緒低落，但係有好大部份時間都十分喜樂平安，真係一個神跡。我都比四個月前心裏平安，都希望為主做好見證。我希望我同太太能夠喺日後分享康復見證時續一數算神的恩典，也可以喺神嘅事工上有份。喺呢度要感謝牧愛伉儷團契真的愛你小組前任現任四個組長組長同埋其他組員嘅同行，仲有牧伉弟兄姊妹嘅代禱。願榮耀歸與我哋三一真神，願主祝福大家。