大家好! 我在2021年6 月的時候參加了接待這個服待，顧名思義接待就是接待舊朋友之餘，更加需要接待新朋友，牧者成日都話，恩福是我們的大家庭，而接待隊就係做屋企人的角色，每一位弟兄姊妹返到恩福家，我們就好似新朋友的屋企人咁，同他們打個招呼、講聲早晨，希望比到大家有一個好親切的感覺。
特別是對第一次踏入恩福家的新朋友，我們的角色唔單止係介紹最合適的團契， 原來我們仲可以用神的愛去關心他們，在這一年的事奉經歷裡面，我睇到神大能的作為，神就是要使用我們去安慰一些心靈痛苦的人。
同大家分享下其中一個case , 最近有位新朋友，她之前有返過其他教會，但未正式信主，當日我們如常咁介紹完團契比她之後，她好主動咁同我分享佢屋企的事情。係差不多同一時間，在她身上發生左好多問題，仔仔開始反叛，先生又要換肝，爸爸又離世，她知道憑她自己一個面對這麼多問題是唔會解決得到，知道神要她尋找教會，她需要有人同行，有神的安慰， 所以我第一次見面她已經好坦誠同我們講出她的困難，之後我同傳道人一齊為她祈禱。好開心的，在一星期之後她主動行埋counter同我講仔仔有了好的改變。
睇到由第一次見她，我要攞紙巾比她抹眼淚，短短一星期再同我交談見她開心了，雖然仔仔不是立即完全改變，但睇到她對神有信心、有盼望，令到我們一班接待隊好感動。
所以大家唔好睇少這個事奉，好似只係企下、打下招呼，原來這個剛位係好重要，當神要去安慰拯救一個人的時候，神就需要人的配合，要有一班願意去爲神接待人的弟兄姊妹，所以好想係在這裡邀請大家加入恩福接待隊去配合神的工作，多謝大家！
岑美湄