平安钱买不到

      妈妈在我年幼时有带我返教会，但当时我并不相信，因为我觉得所有宗教都是差不多，人通常求神拜佛都是为健康为金钱，如果真的有一位神能保人健康、富有，呢个世界就不会有病人同穷人，所以我宁愿信自己，相信只要计划同做好风险管理，我就可以掌管自己的未来。

      可能受到原生家庭影响，我觉得金钱好重要，在完成学业后，我一直努力工作，以为身边有钱就有保障，怎料在2012年，身体突然不适，才知自己免疫系统出现问题，在短时间内失去视力及四肢的活动能力，虽然医生即时同我做咗一些急性治疗，但情况没有好转，当时好大打击，开始思考人生嘅问题。有日住院期间有位姑娘同我传福音佢话耶稣好爱我，开心唔开心都可以祈祷同佢讲，当时我同个姑娘讲，我係唔会祈祷，如果呢位神佢真係咁爱我，点解佢会容许呢啲事发生喺我身上？我出事后，都有好多基督徒为我祈祷，结果也是一样，如果呢位神真係咁劲，你叫佢医好我，我就信佢，姑娘喺度喊，佢话神真係好爱我哋，今日发生喺我身上嘅事一定有佢的意思，如果唔明白，为何唔直接问佢？姑娘话想同我祈祷才离开病房，我见佢喺度喊，唔想拒绝佢，就接受佢为我祈祷，祈祷后姑娘就离开病房。在留院期间有时的确觉得很孤单，忽然想返起同呢个姑娘嘅对话，我当期时在想，你话神喺度，你话有乜嘢唔明白可直接问佢，我依家就祈祷问佢，就在那时我开始祈祷，一唔开心的时候就祈祷……

      出院后，我仍然继续祈祷，因为我觉得每次祈完祷，个心会好平静，而且每次遇到难题，总会有天使帮我。直到2016年，我妈妈带我参加一个福音聚餐，当刻有份感动，就决志信主，之后开始返教会，想认真认识呢位神，喺呢几年期间，听多咗神嘅话，喺我之前唔明白嘅地方终于搵到答案，心得到好大嘅安慰。信主后，价值观唔同咗，思想同行为都有好多转变，最显着嘅就係以前我是一个非常冷漠的人，喺街度遇上一个有需要协助的人，我也未必会上前帮忙，依家我懂得关心身边嘅人，现在甚至我有时会看重别人的需要多于自己，以前我好钟意乜嘢都计划，钟意靠自己解决问题，有时会觉得好大压力好疲累，但现在我学识了交託，个人觉得好兴散，虽然现在每日生活面对好多挑战，个免疫系统病随时会復发，但我觉得好平安，原来世上没一样嘢我们可以依靠，就连金钱也买不到平安同喜乐，唯有依靠上帝，我们才有真正的平安。